# Haqqay
- Ссылка: https://xilasinyolu.site/ru/peygemberler/haqqay/
- Опубликовано: 2021-10-10T21:06:14+04:00
- Автор: rmzsmyl
### Fəsillər
[ Giriş ](https://xilasinyolu.site/ru/peygemberler/haqqay/#giris)
[ 1 ](https://xilasinyolu.site/ru/peygemberler/haqqay/#1)
[ 2 ](https://xilasinyolu.site/ru/peygemberler/haqqay/#2)
## GİRİŞ
«Haqqay» Kitabı miladdan əvvəl 520-ci ildə Haqqay peyğəmbər vasitəsilə Rəbdən gələn
qısa vəhylərdir. Bu kitab «Ezra», «Nehemya» və «Zəkəriyyə» Kitabları ilə sıx əlaqəlidir.
Kitabdakı hadisələrin tarixi dəqiq məlumdur. Sürgündən qayıdan İsrail xalqı bir
neçə il idi ki, Yerusəlimdə yaşayırdı. Lakin məbəd hələ də xarabalıq vəziyyətində
qalırdı. Bu vəhy vasitəsilə Rəbb xalqını məbədi bərpa etməyə çağırırdı.
Rəbb paklanmış, yeniləşmiş xalqa firavanlıq və sülh olan bir gələcək vəd verir.
Kitabın məzmunu:
1:1-15 Məbədin bərpası barəsində vəhy
2:1-23 Təsəlli və ümid xəbəri
[ Yuxarı ](https://xilasinyolu.site/ru/peygemberler/haqqay/#fesiller)
**Haqqay 1**
Rəbb Yerusəlimdəki məbədinin bərpası haqqında əmr verir
^(1)Padşah Daranın hakimiyyətinin ikinci ili, altıncı ayın birində Yəhuda valisi
Şealtiel oğlu Zerubbabilə və baş kahin Yehosadaq oğlu Yeşuaya peyğəmbər Haqqay vasitəsilə
Rəbbin bu sözü nazil oldu: ^(2)«Ordular Rəbbi belə deyir: “Bu xalq deyir ki, hələ
Rəbbin məbədini qurmaq vaxtı çatmayıb”». ^(3)Rəbbin bu sözü peyğəmbər Haqqay vasitəsilə
nazil oldu: ^(4)«Bu məbəd xaraba qaldığı halda
Sizin üçün damı yaraşıqlı evlərinizdə oturmaq vaxtıdırmı?»
^(5)İndi isə Ordular Rəbbi belə deyir:
«Həyat yollarınız haqqında yaxşı düşünün.
^(6)Çox əkdiniz, amma az götürdünüz.
Yeyirsiniz, amma doymursunuz.
İçirsiniz, amma susuzluğunuz yatmır.
Geyinirsiniz, amma geyiminiz sizi isitmir.
Məvacibiniz cırıq kisəyə qoyulur».
^(7)Ordular Rəbbi belə deyir:
«Həyat yollarınız haqqında yaxşı düşünün.
^(8)İndi dağlara çıxıb ağac gətirin və məbədi qurun.
Onda razı qalaram, izzətlənərəm».
Bunu deyən Rəbdir.
^(9)Ordular Rəbbi belə bəyan edir:
«Çox şey gözlədiniz, budur, az oldu.
Az olanı da evə gətirəndə onları sovurdum.
Nə üçün? Xaraba qalan məbədimə görə.
Amma siz öz evləriniz üçün əlləşirsiniz.
^(10)Sizdən ötrü buna görə göylər şehini, yer də məhsulunu kəsdi.
^(11)Yerə, dağlara, taxıla, təzə şəraba, zeytun yağına,
Torpağın yetirdiyi nemətlərə,
Eləcə də insana, heyvana və əllərinizin bütün zəhmətinə
Mən quraqlıq elan etdim».
^(12)Şealtiel oğlu Zerubbabil ilə baş kahin Yehosadaq oğlu Yeşua və xalqın sağ qalanları
özlərinin Allahı Rəbbin dediklərinə – peyğəmbər Haqqayın sözünə baxdılar. Çünki
onu onların Allahı Rəbb göndərmişdi. Xalq Rəbdən qorxdu. ^(13)Rəbbin elçisi Haqqay
Rəbbin müraciəti ilə xalqa belə dedi: «Rəbb deyir: “Mən sizinləyəm”». ^(14)Rəbb
Yəhuda valisi Şealtiel oğlu Zerubbabili, baş kahin Yehosadaq oğlu Yeşuanı və xalqın
sağ qalanlarını ruhlandırdı. Xalq yığılıb özlərinin Allahı olan Ordular Rəbbinin
məbədində işləməyə başladı. ^(15)Bu hadisə padşah Daranın hakimiyyətinin ikinci
ili, altıncı ayın iyirmi dördündə baş verdi.
[ Yuxarı ](https://xilasinyolu.site/ru/peygemberler/haqqay/#fesiller)
**Haqqay 2**
Məbədin bərpasının tərənnümü
^(1)Yeddinci ayın iyirmi birində peyğəmbər Haqqay vasitəsilə Rəbbin bu sözü nazil
oldu: ^(2)«İndi Yəhuda valisi Şealtiel oğlu Zerubbabilə, baş kahin Yehosadaq oğlu
Yeşuaya və xalqın sağ qalanlarına belə söylə: ^(3) “Sizin aranızda kim burada olan
məbədin əvvəlki əzəmətini görmüşdür? İndi buranı necə görürsünüz? Gözünüz önündə
sanki bir heçə çevrilməyibmi?” ^(4)Rəbb deyir: “İndi isə, ey Zerubbabil, qüvvətlən!
Qüvvətlən, ey baş kahin olan Yehosadaq oğlu Yeşua! Ey bütün ölkə xalqı, qüvvətlənin
və işləyin! Çünki Mən sizinləyəm”. Ordular Rəbbi belə bəyan edir: ^(5) “Misirdən
çıxan zaman sizinlə bağladığım əhdə əsasən Ruhum aranızdadır. Qorxmayın!” ^(6)
Budur, Ordular Rəbbi belə deyir: “Tezliklə Mən göyləri, yeri, dənizi, torpağı bir
də lərzəyə gətirəcəyəm! ^(7)Bütün millətləri lərzəyə salacağam; bütün millətlərin
var-dövləti gələcək və bu evi əzəmətlə dolduracağam”. Ordular Rəbbi belə deyir.
^(8)“Bütün qızıl-gümüş Mənimdir”. Ordular Rəbbi belə bəyan edir. ^(9)Ordular Rəbbi
belə deyir: “İndiki məbədin əzəməti əvvəlkindən üstün olacaq. Bu yerə əmin-amanlıq
verəcəyəm”. Ordular Rəbbi belə bəyan edir».
Məzəmmət və vəd
^(10)Daranın hakimiyyətinin ikinci ili, doqquzuncu ayın iyirmi dördündə Rəbbin sözü
peyğəmbər Haqqaya nazil oldu. ^(11)Ordular Rəbbi belə deyir: «Qanun haqqında kahinlərə
bir müraciət edin: ^(12)“Kimsə cübbəsinin ətəyində təqdis olunmuş ət gəzdirən zaman
ətəyi ilə çörəyə, şorbaya, şəraba, zeytun yağına və yaxud hər hansı bir ərzağa toxunarsa,
bunlar təqdis olunarmı?”» Kahinlər bu suala «xeyr» deyə cavab verdi. ^(13) Haqqay
dedi: «Bəs ölü cəsədə toxunub murdarlanan bir adam həmin ərzaqlardan birinə toxunarsa,
bu ərzaq murdar olarmı?» Kahinlər cavab verdi: «Murdar olar». ^(14)Haqqay sonra
belə dedi: «Rəbb belə bəyan edir: “Bu xalq – bu millət Mənim gözümdə belədir. Onların
hər əməli belədir. Mənə təqdim etdikləri hər şey murdardır. ^(15)İndi rica edirəm,
bu gündən etibarən nə olacağını dərindən düşünün. Rəbbin məbədinin daşı daş üstünə
qoyulmazdan əvvəl işləriniz necə gedirdi? ^(16)O zaman hər kim iyirmi kisə məhsul
gözləyirdisə, on kisə olurdu. Şərab çənindən kim əlli qab şərab çəkmək istəyirdisə,
iyirmi qablıq şərab tapırdı”. ^(17)Rəbb belə bəyan edir: “Özünüzü və əllərinizin
bütün zəhmətini səmum küləyi, kif və dolu ilə vurdum. Yenə Mənə sarı dönmədiniz.
^(18)Rica edirəm, dərindən düşünün. Bu gün doqquzuncu ayın iyirmi dördündən – Rəbbin
məbədinin təməli qoyulan gündən sonra nə baş verəcəyi barədə yaxşı düşünün. ^(19)
Anbarda toxum qalıbmı? Məgər üzüm, əncir, nar, zeytun ağacı bar gətirməyib? Bu gündən
etibarən sizə bərəkət verəcəyəm!”»
Rəbbin Zerubbabilə dediyi söz
^(20)Rəbbin bu sözü Haqqaya ikinci dəfə ayın iyirmi dördündə nazil oldu: ^(21)«
Yəhuda valisi Zerubbabilə belə de: “Mən göyləri və yeri lərzəyə gətirəcəyəm. ^(
22)Padşahlıqların taxt-taclarını alt-üst edəcəyəm. Millətlərin padşahlıqlarının
gücünü darmadağın edəcəyəm. Döyüş arabaları ilə sürücülərini aşıracağam, atlarla
süvarilər yerə səriləcəklər. Hamı qardaş qılıncı ilə qırılacaq”». ^(23)Ordular
Rəbbi bəyan edir: «Ey qulum Şealtiel oğlu Zerubbabil, o gün səni götürüb möhürlü
üzük edəcəyəm, çünki səni seçdim». Rəbb bu sözləri dedi. Bu, Ordular Rəbbinin bəyanıdır.
[ Yuxarı ](https://xilasinyolu.site/ru/peygemberler/haqqay/#fesiller)
### PEYĞƏMBƏRLƏR
[ Yeşaya | İsayya ](https://xilasinyolu.site/peygemberler/yesaya-fesiller)
[ Yeremya ](https://xilasinyolu.site/peygemberler/yeremya-fesiller)
[ Mərsiyələr ](https://xilasinyolu.site/peygemberler/mersiyeler-fesiller)
[ Yezekel ](https://xilasinyolu.site/peygemberler/yezekel-fesiller)
[ Daniel ](https://xilasinyolu.site/peygemberler/daniel-fesiller)
[ Huşə ](https://xilasinyolu.site/peygemberler/huse-fesiller)
[ Yoel ](https://xilasinyolu.site/peygemberler/yoel-fesiller)
[ Amos ](https://xilasinyolu.site/peygemberler/amos-fesiller)
[ Avdiya ](https://xilasinyolu.site/peygemberler/avdiya)
[ Yunus ](https://xilasinyolu.site/peygemberler/yunus-fesiller)
[ Mikeya ](https://xilasinyolu.site/peygemberler/mikeya-fesiller)
[ Nahum ](https://xilasinyolu.site/peygemberler/nahum-fesiller)
[ Habaqquq ](https://xilasinyolu.site/peygemberler/habaqquq-fesiller)
[ Sefanya ](https://xilasinyolu.site/peygemberler/sefanya-fesiller)
[ Haqqay ](https://xilasinyolu.site/peygemberler/haqqay-fesiller)
[ Zəkəriyyə ](https://xilasinyolu.site/peygemberler/zekeriyye-fesiller)
[ Malaki ](https://xilasinyolu.site/peygemberler/malaki-fesiller)
### MÜNDƏRİCAT
[ MÜQƏDDƏS KİTAB HAQQINDA ](https://xilasinyolu.site/mybible/muqeddes-kitab-haqqinda-mundericat/)
[ TÖVRAT ](https://xilasinyolu.site/tovrat/tovrat-mundericat/)
[ TARİXİ ](https://xilasinyolu.site/muqeddeskitabtarixi/tarixi-mundericat/)
[ ZƏBUR ](https://xilasinyolu.site/zebur/zebur-mundericat/)
[ PEYĞƏMBƏRLƏR ](https://xilasinyolu.site/peygemberler/peygemberler-mundericat)
[ İNCİL ](https://xilasinyolu.site/incil/incil-mundericat/)