# Azərbaycanın rifahı üçün dua - Ссылка: https://xilasinyolu.site/ru/duaxidmeti/azerbaycanin-rifahi-ucun-dua/ - Опубликовано: 2021-08-23T23:11:52+04:00 - Автор: thecasper ![](https://xilasinyolu.site/wp-content/uploads/2021/08/giampietrino-last-supper- ca-1520-min-scaled.jpg) ![](https://xilasinyolu.site/wp-content/uploads/2021/08/Gobierno_de_Azerbaiyan_Baku_Azerbaiyan_2016- 09-26_DD_27.jpg) Çünki ora rifah içində olarsa, siz də rifahda yaşayarsınız **Yeremya 29:7** ![İsa Məsih](https://xilasinyolu.site/wp-content/uploads/2021/08/ii-1620489531.jpg) Azərbaycan Ordusunun sentyabrın 27-də Qarabağda başladığı uğurlu əks-hücum əməliyyatı nəticəsində noyabrın 9-dək 5 şəhər, 4 qəsəbə və 286 kənd işğaldan azad edilib. İndiyədək Cəbrayıl şəhəri və rayonun 90 kəndi, Füzuli şəhəri və rayonun 53 kəndi, Zəngilan şəhəri, rayonun Mincivan, Ağbənd, Bartaz qəsəbələri və 52 kəndi, Xocavənd rayonunun Hadrut qəsəbəsi və 35 kəndi, Tərtər rayonunun 3 kəndi, Qubadlı şəhəri və rayonun 41 kəndi, Xocalı rayonunun 9 kəndi, Şuşa şəhəri, Laçın rayonunun 3 kəndi, həmçinin Ağdərə və Murovdağ istiqamətlərində bir neçə strateji yüksəkliyi, Zəngilanda isə Bartaz, Sığırt, Şükürataz yüksəkləri və daha 5 adsız yüksəklik azad olunub. Noyabrın 10-da Azərbaycan Prezidenti, Ermənistanın baş naziri və Rusiya Prezidenti münaqişə zonasında atəşin və bütün hərbi əməliyyatların tam dayandırılması barədə bəyanat imzalayıblar. ![Qarabağ](https://xilasinyolu.site/wp-content/uploads/2021/08/azerbaijan-1024x786. png) Bəyanata əsasən 2020-ci il dekabrın 1-dək Kəlbəcər, Ağdam və Laçın rayonları Azərbaycana qaytarılmalıdır. Bəyanata uyğun olaraq, noyabrın 20-də Ağdam rayonu Azərbaycana təhvil verilib. Bununla da rayonun işğal edilmiş 73 faiz ərazisi, o cümlədən Ağdam şəhəri azad olunub. Üçtərəfli bəyanata əsasən, noyabrın 25-də Kəlbəcər rayonu Azərbaycana təhvil verilib. Kəlbəcər şəhəri də daxil olmaqla, 147 yaşayış məntəqəsi işğaldan azad edilib. Cəbrayıl: 04.10.2020 Füzuli: 17.10.2020Zəngilan: 20.10.2020Qubadlı: 25.10.2020Şuşa: 08.11.2020Ağdam: 20.11.2020Kəlbəcər: 25.11.2020Laçın: 01.12.2020 ![](https://xilasinyolu.site/wp-content/uploads/2021/08/giampietrino-last-supper- ca-1520-min-1.jpg) Hər şeydən əvvəl xahiş edirəm: möminlik və ləyaqətlə sakit və rahat ömür sürməyimiz üçün, bütün insanlar, o cümlədən, padşahlar və hakimiyyət sahibi olanların hamısı üçün yalvarış, dua, vəsatət və şükürlər edilsin. Çünki bu yaxşıdır və Xilaskarımız Allahı razı salır. **Paulun Timoteyə Birinci Məktubu 2:1 – 3 ![](https://xilasinyolu.site/wp-content/uploads/2021/08/Anim_yurusu_Prezident_I. Əloiev_və_vitse-prezident_M.Əliyeva.jpg) Azərbaycan Respublikasının ərazi bütövlüyü uğrunda döyüş əməliyyatlarında şəhid və qazi olanlar, bütün müharibə iştrakçıları, güclü iradəsi ilə bizi qələbəyə aparan Azərbaycan Prezidenti, Silahlı Qüvvələrin Ali Baş Komandanı İlham Əliyev, o cümlədən müharibə vaxtı bizi dəstəkləyən ölkələr və insanlar üçün dua və vəsatət etməyə davam edirik.